Grandios, was die vier Füürwehrfroue u Füürwehrmanne fürnes Programm hei uf d Bei gsteut.
I vier Pöschte hei d Ching viu Spannends dörfe ghöre u erläbe. Vom was brönnt, über was legen ig a u nimen ig mit, bis zum i ds Füürwehrouto ynehocke u stüre, u de am Schluss no lösche mit em ächte Schluch, au das hei mir dörfe erläbe.
We d Chinderouge lüchte u ds eint oder angere seit: ig gah de ou i d Füürwehr, de isch doch dä Morge glunge. Müed u zfride sy mir när heizue gah verzeue.
Es grosses MERCI dene vierne. Danke Mäthu, Marc, David u Susanne, dass dir öich die Zyt gnoh heit. Öies Füür brönnt ischtbar u spürbar für das wo dir machet.
